Azərbaycan Respublikası Ərazilərinin Minalardan Təmizlənməsi üzrə Milli Agentlik

Mina Əməliyyatları üzrə Milli Direktorlar və BMT Məsləhətçilərinin 19-cu Beynəlxalq Görüşü

ANAMA-nın İcraçı Direktoru cənab Qəzənfər Əhmədov və Əməliyyatlar üzrə mütəxəssisi Tural Məmmədzadə Cenevrədə keçirilən “Mina Əməliyyatları üzrə Milli Direktorlar və BMT Məsləhətçilərinin 19-cu Beynəlxalq Görüşü”ndə iştirak edirlər. BMT-nin bu mühüm yığıncağı mina probleminə məruz qalmış bütün ölkələrin mina Təhlükəsilə Mübarizə üzrə Milli Direktorları və BMT Məsləhətçilərini təcrübə və mina aksiyaları sahəsində problemlərin mübadiləsinə həsr edilmişdir.

Görüş Mina Fəaliyyəti üzrə BMT Təsisatlar Arası Koordinasiya Qrupu və Humanitar Minatəmizləmə üzrə Cenevrə Beynəlxalq Mərkəzi tərəfindən 16-19 fevral, 2016-cı ildə Cenevrədə təşkil olunmuşdur.

Cenevrədə keçirilən “Mina Fəaliyyətinin Təbliği” tədbirində iştirak etmək və Humanitar Minatəmizləmə üzrə Cenevrə Beynəlxalq Mərkəzi ilə ANAMA –nın birgə əməkdaşlığı çərçivəsində cari ilin 4-8 Aprel tarixlərində Azərbaycanda keçiriləcək “Şərqi Avropa Qafqaz Mərkəzi Asia üzrə Yardım Proqram” layihəsi çərçivəsində “Mina Aksiyası üzrə Sahə Seminarının” təşkili məqsədilə ANAMA-nın İcraçı Direktoru cənab Qəzənfər Əhmədov və Əməliyyatlar üzrə mütəxəssisi Tural Məmmədzadə təmsil olunur.