Azərbaycan Respublikasının Minatəmizləmə Agentliyi

Maarifləndirici və xəbərdaredici bilbordların hazırlanması üzrə müsabiqə

Azərbaycan Respublikasının Minatəmizləmə Agentliyi (ANAMA) UNICEF-in dəstəyi və Böyük Britaniyanın Azərbaycandakı səfirliyi tərəfindən ianə şəklində maliyyəşdirilən “Partlayıcı Sursatların Təhlükəsinə dair Maarifləndirmə” sahəsində həyata keçirilən layihə üzrə
Müsabiqəyə dəvət edir

Layihə ANAMA-nın texniki dəstəyi ilə Azərbaycan Respublikasının işğaldan azad edilmiş ərazilərini və keçmiş təmas xətti boyunca yerləşən yaşayış məntəqələrini əhatə edəcəkdir.

Layihə, üzərində xüsusi maarifləndirici və xəbərdaredici ismarıclar olan 200 dəst lövhənin (bilbordların) hazırlanması, çatdırılması, müəyyən olunmuş yerlərdə quraşdırılaraq təhvil verilməsini nəzərdə tutur. Layihə UNICEF və ANAMA-nın texniki bölmələri, yerli icra hakimiyyəti, Dövlət Yol Polisi və digər aidiyyəti orqanlarla yol kənarlarında və əhalinin diqqətini çəkən ərazilləri əhatə etməklə həyata keçirilməlidir.

Yol nişanlarının və reklam lövhələrinin quraşdırılması sahəsində təcrübəyə malik şirkətlərə üstünlük veriləcəkdir. Müsabiqə tövsiyə xarakteri daşıyır və müəyyən olunmuş qalib şirkət layihəni icra etmək və əməkdaşlıq üçün sifarişçiyə (UNİCEF-ə) tövsiyə olunacaqdır.

Layihə 2021-ci il mart ayının 31-nə qədər başa çatdırılmalıdır.

Dizayn işləri və ölçüləri UNİCEF və ANAMA-nın mütəxəssisləri ilə razılaşdırılmalıdır.

Maraqlı təşkilatlar (+994 55) 2710509 telefon nömrəsi ilə əlaqə saxlaya bilərlər.

Təkliflər 2021-ci il 18 fevral saat 17:00-dək Bakı şəhəri, İbrahimpaşa Dadaşov 260 ünvanında yerləşən ANAMA-nın Planlaşdırma və İnkişaf şöbəsinə təqdim olunmalıdır.

Zərflərin açılışı 2021-ci il 19 fevral tarixində saat 11:00-da yuxarıda göstərilən ünvanda həyata keçiriləcəkdir.

 

Müsabiqə komissiyası