Azərbaycan Respublikasının Minatəmizləmə Agentliyi

2021-ci il 29-30 Yanvar tarixlərində Agentlik tərəfindən Gəncə şəhəri ərazisində keçirilmiş təcili təxirəsalınmaz əməliyyat barədə OPERATİV MƏLUMAT

2021-ci il 29-30 Yanvar tarixlərində Daxili İşlər Nazirliyinin ″102″ Xidməti-Zəng mərkəzi sistemindən Gəncə şəhərinin Kəpəz rayonu və Gülüstan qəsəbəsi ərazisində əl qumbaralarının tapılması barədə məlumat daxil olub.

 

Məlumatlara əsasən Agentliyin xüsusi mobil çevik əməliyyat qrupları, Daxili İşlər Nazirliyinin Gəncə şəhər Polis Şöbəsinin əməkdaşları dərhal həmin əraziyə göndərilib.

 

Agentliyin mütəxəssisləri və Daxili İşlər Nazirliyinin Gəncə şəhər Polis Şöbəsinin əməkdaşları tərəfindən birlikdə yuxarıda adı qeyd olunmuş əraziyə baxış keçirilib. Təhlükəsizliyi təmin etmək məqsədilə ərazi polis tərəfindən mühasirəyə alınmışdır. Agentliyin mütəxəssisləri tərəfindən aparılan təcili təxirəsalınmaz əməliyyat-axtarış tədbirləri nəticəsində Gəncə şəhəri ərazisindən 1 ədəd F-1 və 1 ədəd M-75 əl qumbarası aşkar olunmuş, götürülərək Agentliyin mərkəzi məhvetmə ərazisinə daşınıb.

Əl qumbaralarının ətrafında 40 kv.m əraziyə yeraltı baxış keçirilib, əlavə təhlükəli əşya və qurğu aşkarlanmayıb.