Azərbaycan Respublikası Ərazilərinin Minalardan Təmizlənməsi üzrə Milli Agentlik

Azərbaycanda akkreditə olunmuş xarici dövlətlərin hərbi attaşelərinin səfəri

2020-ci il 6 mart tarixində Azərbaycan Respublikası Müdafiə Nazirliyinin təşkilatçılığı ilə ölkəmizdə akkreditə olunmuş xarici dövlətlərin hərbi attaşelərinin ANAMA-nın Göygöl regional təlim bazasına səfəri olmuşdur.

  

Səfərin əsas məqsədi Agentliyin həm ölkə daxilində, həm də beynəlxalq çərçivədə həyata keçirdiyi humanitar minatəmizləmə fəaliyyəti ilə bağlı tanış olmaq idi.

  

Səfər çərçivəsində ANAMA-nın Göygöl regional təlim bazasında xarici nümayəndələrə Agentliyin Təlim, Tədqiqat və Keyfiyyətə Təminat Qurumu (TTKT) tərəfindən tədris edilən təlim kurslarının fəaliyyətini əks etdirən prezentasiya təqdim olunmuş, təlim avadanlıqları üzrə sərgi təşkil olunmuşdur.

  

Bununla yanaşı regional təlim bazasının yaxınlığında hazırlanmış xüsusi təlim sahəsində  Agentliyin minaaxtaranları tərəfindən əl ilə minatəmizləmə,  xüsusi təlim keçmiş minaaxtaran itlərin (MAİ) şübhəli əşyanın tapılması və Mexaniki Minatəmizləmə Maşınlarının (MMM) işləmə fəaliyyəti nümayiş olunmuşdur. 

  

  

  

​​​​​​​