Azərbaycan Respublikası Ərazilərinin Minalardan Təmizlənməsi üzrə Milli Agentlik

Amerika Birləşmiş Ştatlarinin ölkəmizdəki fövqəladə və səlahiyyətli səfiri cənab Li Litzenberqerin ANAMA baş qərargahina rəsmi səfəri

2019-cu il 25 iyun tarixində Amerika Birləşmiş Ştatlarının ölkəmizdəki fövqəladə və səlahiyyətli səfiri cənab Li Litzenberqer ANAMA baş qərargahına rəsmi səfər etmişdir.

          

Görüş zamanı ANAMA Direktoru Qəzənfər Əhmədov qonaqlara Dağlıq Qarabağ və Azərbaycanın işğal altında olan torpaqları, həmçinin Agentliyin fəaliyyət göstərdiyi bütün aspektləri, milli mina təmizləmə strategiyasının əsas meyarları, donor ölkələrlə əməkdaşlığı, eləcə də uzun və qısa müddətli strategiyası haqda məlumat verdi. Eyni zamanda, Qəzənfər Əhmədov işğaldan azad olunmuş Cəbrayıl rayonu Cocuq Mərcanlı kəndində və cəbhəxətti ərazilərdə aparılan humanitar minatəmizləmə fəaliyyəti ilə bağlı geniş informasiya təqdim etdi və Amerika Birləşmiş Ştatlarının ANAMA ilə NATO/NSPA-nın birgə həyata keçirdiyi Ceyrançöl Təmizləmə Layihəsinin icrasında, eləcə də indiyədək Agentliyin fəaliyyətində verdiyi dəstəyə görə cənab Səfirə öz minnətdarlığını bildirdi.

        

Səfərin məqsədi ANAMA-nın fəaliyyəti ilə yaxından tanışlıq, gələcək əməkdaşlığın perspektivlərinə dair fikir mübadiləsi aparmaqdan ibarət idi. Cənab Li Litzenberqer Amerika Birləşmiş Ştatları tərəfindən ANAMA-nın həyata keçirdiyi minatəmizləmə əməliyyatlarına mümkün töhvə verilməsi barədə fikirlər səsləndirdi.    

ANAMA-nın Təlim, Tədqiqat və Keyfiyyətə Təminat Qurumunun rəhbəri Elnur Qasımov tərəfindən qonaqlara Agentliyin fəaliyyətini əks etdirən geniş prezentasiya təqdim edildi.

 

Əlavə Məlumat: 

 ANAMA Mətbuat Xidməti 

561 95 87